مزيكا يعني أنتِ

مزيكا يعني انتِ
يعني عينيكِ
يعني رقصك بين ايديا
مزيكا يعني
حروف اسمك بين شفايفي
مزيكا يعني قربك
كلامك .. يعني شِعرك
لما يطيح من بين لسانك
ويهاجر شفايفك ,, 
ويفارق كيانك .. ويحضني

مزيكا يعني شوق
جزء من حنين ليكِ
في قلبي مكبوت
مزيكا يعني ذكرى
أول يوم غنيت فيه لعينيكِ
وقلتلك وحشتيني
وقلتلك بحبك

مزيكا يعني كسوف عينيكِ
وهي بتضحك
علشان تداري كسوفها مني
مزيكا يعني ضحكة
عليت فوق شفايفك
ونسيتني
وفارقت
وهاجرت
ورحلت

بقت ماضي ,,بقت حاضر
بقت بكرة
بقت طيف ملازمني
زي نفسي ,, زي شيطاني
زي عملي ,, زي غضبي
زي فراغي
زي ,, زعلي
زي .. اكتئابي
زي انتظاري اللي مبينتهيش
زي حلم عمره يوم ما كمل
زي امل اختار لعيونك يعيش

كل يوم بحلم بعيونك
بخطاوي بيني وبينك
تتلغي
تختفي
تصبح مفيش
والاقيكِ جنبي
ايديكِ في ايدي
عيوني ترقصلك
وقلبي يندهلك

مزيكا يعنى عالم
حدود خارطه جسمك
صوت وجعه إشتياقك
ثورته هي غضبك
حنيته هي ضمك
مزيكا يعني
*وحشتيني*

ـــ

قلم ماجد علي

31/10/2016

06:00AM