الجمعة، 13 أبريل 2012

إنت اللي خسّرت الثورة






إنت اللي خسّرت الثورة

- الثورة مش عايزه راعي علشان هي مش عنزة، الثورة مش عايزة دكر عشان مهياش جموسة عشر، الثورة مش عايزة انتخابات عشان تشرع ..الثورة عايزة ثوار يموتوا علشانها في؟

- إلقاء اللوم ونظام البحث عن شماعة تعلق عليها الخيبة دي محاولة منك لإقناع النفس بإنك خسِرت ثورتك بسببها أبسلوتلي إنت اللي خسّرت نفسك لما خوفت من الموت .

- إنت اللي خسّرت الثورة لما رحت وشاركت في اللعبة وإنت عارف إن الصندوق هيقول ايه قبلها، وعارف إن الشعب مهمش لأنك بكل جهل حسرت مطالبك في انتخابات وهتافات.

- إنت اللي خسّرت الثورة لما كنت بتقنع الشعب إن اللي قام بالثورة هما الشباب الأمامير والمثقف خريجين مدارس اللغات ومطالبهم ديموقراطية وعيش .

- إنت اللي خسّرت الثورة لما كنت بتعمل مليونيات عشان تحتفل وتقابل أصحابك وتعمل كرنفال لتتحول أشبه بمهرجانات البورنو الرخيصة اللي بتستجدي فيه الغانية سيدها .

- إنت اللي خسّرت الثورة لما أعتمدت على شباب أصبحوا فجأة نجوم مجتمع سياسي يتحدثون عن مشاكل مصر وفساد نظامها القديم ولا أحد يملك رؤية لمواجهة النظام بالقوة .

- إنت اللي خسّرت الثورة لأنك كنت بتهتف يسقط يسقط حكم العسكر، والحقيقة إنك كنت بتغني وبتدندن وإنت لا عارف إزاي هتسقطه ولا هتعمل إيه بعد إسقاطه .

- إنت اللي خسّرت الثورة علشان مهتم بالرأي على تويتر وكل خمسه في مجموعة ويعملوا مسيرة لإحياء الثورة وحمايتها وتشحت عليها وتجملها كأنها وصمة عار .

- إنت اللي خسّرت الثورة علشان لما كانت قنبلة الغاز بتترمي كنت بتطلع تجري وتسيب اللي يواجه الموت يواجه لوحده ، عشان ترجع تكرمه إنه مات بدالك وترسم له جرافيتي .

- إنت اللي خسّرت الثورة لأنك لست بثائر يريد الهدم الحقيقي للفساد ، لكنك مجرد إصلاحي يعيش حياة مرفهه من أجل تحسين ظروف العبودية وطوبي للكادحين .

- إنت اللي خسّرت الثورة لأنك لا تملك فكر أو توجه تسير على دربه لأنك مؤمن به، لكنك كالسحلية تتغير من علماني لمدني لليبرالي لإخواني، ولا تفهم من أنت .

- إنت اللي خسّرت الثورة لأنك مقتنع إن صاحب الصندوق مستحيل يكون عارف ايه اللي في الصندوق، مع إنك أيضاً مقتنع إن اللي واقف على الصندوق صديقه ، وحامله وخادمه.

- إنت اللي خسّرت الثورة لأنك جبان دي الحقيقة اللي رفضت تصدقها في وقت كنت مصدق فيه إن المجلس العسكري - زراع النظام العسكري - حامي الثورة وجزء منك .

- إنت اللي خسّرت الثورة لأنك بعد ما حدث عارف إنك هتخسر بتلف ليا وتتدورلي وتقولي مقاطعتك هي السبب ، كأن السبب في سقوط الفيلم هو عامل الديكور!!

- إنت اللي خسّرت الثورة لما توقعت إنك لما تطلع تقول لعدوك سلمية سلمية هتخليه رحيم بيك وهو بيضربك بالقنابل والخرطوش وخايف تواجهه لأنك مزيف زيه تمام .

- ممكن تعتبروا شوية التويتات اللي فاتت هي ردي ، ومن الأخر أنا أمثل نفسي وأثور لمباديء وأفعل ما أنا مقتنع به ، ولا أعترف بثائر يطير في فلك رسم له .

يملاني يقين بأن في الأرض عدلًا ، ومؤمن أن هناك حقًا حسبه الطغاه لن يصل قامتهم،  فلعل كل مظلوم يتطهر ويثور بشجاعة بدلًا أن يموت مكسورا بظلمه وخوفه وخنوعه .

وكلمة أخيرة أعتبروها نصيحة من أخ كبير أو صغير حسب سنك ، متهتمش تحشد لقضيتك وتضيع مجهودك في وعي الشارع وتفاصيل بلهاء لأن الشعب ده مكنش عايش في نيجريا، وفر مجهودك لأعدائك وخلي الشعب يشوفك ، كيف تثور وتُقتل وتموت من أجل الحق والمستضعفين ، وإنك أنت وكل الشعب السكان الأصليون للوطن وهم في الوقت ذاته أيضاً المستغلين لخدمة سادته ونوابه وطغاته .